ಸಾನಿಯಾ ಮಿರ್ಜಾ, ಲಿಯಾಂಡರ್ ಪೇಸ್ ಮತ್ತು ಮಹೇಶ್ ಭೂಪತಿಯಂತಹ ದಿಗ್ಗಜರನ್ನು ಟೆನಿಸ್ ಇಂದು ಸೃಷ್ಟಿಸಿದೆ ಎಂದರೆ ತಪ್ಪಲ್ಲ. ಕ್ರಿಕೆಟ್ ಆಟಗಾರರ ಖ್ಯಾತಿಗೆ ಪ್ರತಿಸ್ಪರ್ಧಿಯಾಗಿ ಸ್ಟಾರ್ ಸ್ಥಾನಮಾನಗಳನ್ನು ಗಳಿಸಿದರು ಮತ್ತು ಜಗತ್ತೇ ಅವರ ಪ್ರತಿಭೆಗಳತ್ತ ಗಮನ ಹರಿಸುವಂತೆ ಮಾಡಿದವರು ಇವರು.
ಇವರ ಸಾಲಿನಲ್ಲಿ ಟೆನಿಸ್ ಐಕಾನ್ ರೋಹನ್ ಬೋಪಣ್ಣ, ಈ ಶ್ರೇಷ್ಠರೊಂದಿಗೆ ಹೆಗಲಿಗೆ ಹೆಗಲು ಕೊಟ್ಟು ನಿಂತವರು. ವಿಂಬಲ್ಡನ್ ಚಾಂಪಿಯನ್ಶಿಪ್ಗೆ ತಯಾರಿ ನಡೆಸಿದ್ದ ರೋಹನ್ ಬೋಪಣ್ಣಗೆ ಸಧ್ಯ ವಿಂಬಲ್ಡನ್ ಕನ್ನಡದಲ್ಲೇ ವಿಶ್ ಮಾಡಿದೆ. ಶೈನ್ ಆಗೋಕೆ ನಮ್ಮ ಅಣ್ಣ ರೋಹನ್ ಬೋಪಣ್ಣ ರೆಡಿ ಇದ್ದಾರೆ ಎಂದು ಕನ್ನಡದಲ್ಲೇ ಬರೆದು ಪೋಸ್ಟ್ ಮಾಡಲಾಗಿದೆ. ಗೋಲ್ಡನ್ ಸ್ಟಾರ್ ಎಂಬ ಕನ್ನಡದ ಬರಹದಲ್ಲಿರುವ ಪೋಸ್ಟ್ ಸಧ್ಯ ವೈರಲ್ ಆಗ್ತಿದೆ.
ನಲವತ್ತೈದು ವರ್ಷದ ರೋಹನ್ ಬೋಪಣ್ಣ ಇತ್ತೀಚಿನವರೆಗೂ ಪುರುಷರ ಡಬಲ್ಸ್ನಲ್ಲಿ ವಿಶ್ವದ ನಂ. 1 ಸ್ಥಾನವನ್ನು ಹೊಂದಿದ್ದರು – ಮೊದಲ ಬಾರಿಗೆ ಶ್ರೇಯಾಂಕ ಪಡೆದ ಅತ್ಯಂತ ಹಿರಿಯ ಆಟಗಾರ. ಕೊಡಗು ಮೂಲದ ಕನ್ನಡಿಗನಿಗೆ ಈಗ ವಿಂಬಲ್ಡನ್ ಗೌರವ ನೀಡಿದೆ.