ಪುಷ್ಪ ಸಿನಿಮಾ ಸ್ಟೈಲ್‌ಲ್ಲೆ ಹೊಸಕೋಟೆಯಲ್ಲಿ ರಕ್ತಚಂದನ ಸಾಗಾಟ ಪ್ರಕರಣ ಬೆಳಕಿಗೆ ಬಂದಿದೆ. ಪುಷ್ಪ ಸಿನಿಮಾದಲ್ಲಿ ಹಾಲಿನ ಲಾರಿಯಲ್ಲಿ ರಕ್ತಚಂದನ ಸಾಗಿಸಲಾಗುತ್ತೆ. ಆದ್ರಿಲ್ಲಿ ಡೆಲಿವರಿ ಏಜೆಂಟ್‌ ಥರಹ ಡಿಫರೆಂಟ್‌ ಆಗಿ ರಕ್ತಚಂದನ ಸಾಗಾಟ ಮಾಡಲಾಗುತ್ತಿತ್ತು. ಆದ್ರೀಗ ರಕ್ತ ಚಂದನ ಕಳ್ಳರನ್ನ ಪೊಲೀಸರು ಬಂಧನ ಮಾಡಿದ್ದಾರೆ.

ರಕ್ತ ಚಂದನ ಸಾಗಿಸಿ ಸಿಕ್ಕಿಬಿದ್ದ ಖತರ್ನಾಕ್‌ ಕಳ್ಳರು!

ಆಂದ್ರಪ್ರದೇಶ ಮತ್ತು ತಮಿಳುನಾಡಿನಿಂದ ಅಕ್ರಮವಾಗಿ ರಕ್ತಚಂದನ ಸಾಗಣೆ‌ ಮಾಡುತ್ತಿದ್ದ ಕಳ್ಳರನ್ನ, ಹೊಸಕೋಟೆ ಪೋಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿ ಆರೋಪಿಗಳ ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಡಿವೈಎಸ್ ಪಿ ಮಲ್ಲೇಶ್ ಹಾಗೂ ಇನ್ಸ್ ಪೆಕ್ಟರ್ ಗೋವಿಂದ್ ನೇತೃತ್ವದ ತಂಡದಿಂದ ಕಾರ್ಯಾಚರಣೆ ನಡೆಸಲಾಗಿದೆ.

1093 ಕೆಜಿಯ ರಕ್ತ ಚಂದನ ವಶಕ್ಕೆ

ರಕ್ತಚಂದನ ಮರದ ತುಂಡುಗಳನ್ನು ತರಿಸಿಕೊಂಡು ಡೆಲಿವರಿ ಟ್ರಾನ್ಸ್ ಫೋರ್ಟ್ ಮಾಡಲು ಮುಂದಾಗಿದ್ದ, ಏಜಾಜ್ ಷರೀಪ್, ಪಯಾಜ್ ಷರೀಪ್ ಮತ್ತು ಸಾಧಿಕ್ ಖಾನ್ ರನ್ನ ಪೊಲೀಸರು ಖೆಡ್ಡಾಗೆ ಕೆಡವಿದ್ದಾರೆ. ಪ್ಲಾಸ್ಟಿಕ್ ಚೀಲದಲ್ಲಿ ಹಾಕಿ, ಟೇಪ್ ಸುತ್ತಿ ಡೆಲಿವರಿ ಮಾಡಲು ಮುಂದಾಗಿದ್ದರು. ಹೊಸಕೋಟೆಯ ಕೊಳತ್ತೂರು ಗ್ರಾಮದ ಡೆಲಿವರಿ ಟ್ರಾನ್ಸ್ ಪೋರ್ಟ್ ಕಂಪನಿ ಮೂಲಕ ಸಾಗಾಟ ಮಾಡಲು ಯತ್ನ ಮಾಡಿದ್ದರು. ಹರಿಯಾಣದ ವಿಷ್ಣುಕುಮಾರ್ ಎಂಬುವವರಿಗೆ ಪಾರ್ಸಲ್ ಮಾಡಲು ಸಜ್ಜು ಮಾಡ್ತಿದ್ದರು. 25 ಲಕ್ಷ ರೂ ಬೆಲೆ ಬಾಳುವ 1093 ಕೆಜಿ ತೂಕದ 102 ರಕ್ತ ಚಂದನದ ತುಂಡುಗಳನ್ನ ಪೊಲೀಸರು ವಶಕ್ಕೆ ಪಡೆದು ತನಿಖೆ ನಡೆಸುತ್ತಿದ್ದಾರೆ.

Read Also : ಅಕ್ರಮ ಚಿನ್ನ ಸಾಗಣಿಕೆ ಕೇಸ್‌ : ರನ್ಯಾ ರಾವ್‌ಗೆ 102 ಕೋಟಿ ದಂಡ!

Share.
Leave A Reply