ಹೆಲ್ದಿ ಲೈಫ್‌ಸ್ಟೈಲ್‌ ಫಾಲೋ ಮಾಡೋರು ಹಾಗೆ ವೇಟ್‌ಲಾಸ್‌ ಆಗ್ಬೇಕು ಅನ್ಕೊಂಡಿರೋರು ಮೊದ್ಲು ಮಾಡೋ ಫಸ್ಟ್‌ ಕೆಲ್ಸ ಏನಂದ್ರೆ ನಾರ್ಮಲ್‌ ಹಾಲಿನ ಚಹಾದ ಬದಲು ಗ್ರೀನ್ ಟೀ ಕುಡಿಯೋದಿಕ್ಕೆ ಶುರುಮಾಡ್ತಾರೆ. ತನ್ನ ವಿಶೇಷ ಗುಣಗಳಿಂದಾಗಿ ಗ್ರೀನ್ ಟೀ ಪ್ರಪಂಚದಾದ್ಯಂತ ಪಾಪ್ಯುಲಾರಿಟಿ ಪಡ್ಕೊಂಡಿದೆ. ಕೇವಲ ತೂಕ ಇಳಿಕೆಗೆ ಮಾತ್ರವಲ್ಲದೇ ಇನ್ನೂ ಸಾಕಷ್ಟು ಹೆಲ್ತ್‌ ಬೆನಿಫಿಟ್ಸ್‌ ಗ್ರೀನ್ ಟೀ ಕುಡಿಯೋದ್ರಿಂದ ಸಿಗುತ್ತೆ. ಹಾಗಿದ್ರೆ, ಗ್ರೀನ್ ಟೀ ಕುಡಿಯೋದ್ರಿಂದ ಏನ್‌ ಪ್ರಯೋಜನ? ಇದನ್ನ ತಯಾರಿಸುವ ಸರಿಯಾದ ವಿಧಾನ ಹೇಗೆ? ತೂಕ ಕಡಿಮೆ ಮಾಡ್ಕೊಳೋದಿಕ್ಕೆ ಗ್ರೀನ್ ಟೀಯನ್ನ ಯಾವ ರೀತಿ ಸೇವನೆ ಮಾಡ್ಬೇಕು?
ಗ್ರೀನ್ ಟೀ ತಯಾರಿಸೋದು ಸರಿಯಾದ ವಿಧಾನ
ಗ್ರೀನ್ ಟೀಯನ್ನ ಯಾವತ್ತೂ ಕೂಡ ಡೈರೆಕ್ಟ್‌ ಹೀಟ್‌ನಲ್ಲಿ ಬಿಸಿ ಮಾಡೋಹಾಗಿಲ್ಲ. ಇದ್ರಿಂದ ಗ್ರೀನ್ ಟೀಯಲ್ಲಿರುವ ಆಂಟಿಆಕ್ಸಿಡೆಂಟ್ಸ್‌ ನಾಶವಾಗುತ್ವೆ. ಹಾಗೆ ಕುದಿಯುವ ನೀರಿಗೂ ಕೂಡ ಗ್ರೀನ್ ಟೀ ಹಾಕೋಹಾಗಿಲ್ಲ. ನೀರು ಚನ್ನಾಗಿ ಬಿಸಿಯಾದ್ಮೇಲೆ ಗ್ರೀನ್ ಟೀ ಬ್ಯಾಗ್ಸ್‌ ಅಥವಾ ಎಲೆಗಳನ್ನ ಹಾಕಿ ಒಂದೆರಡು ನಿಮಿಷ ಮುಚ್ಚಿಡಿ. ಒಂದ್ವೇಳೆ ನೀವು ಗ್ರೀನ್ ಟೀ ಎಲೆಗಳನ್ನ ಬಳಸಿದ್ರೆ ಶೋಧಿಸಿ ಬಳಿಕ ಸೇವನೆ ಮಾಡಿ. ಇನ್ನು, ಇದಿಕ್ಕೆ ನೀವು ಬೇಕಿದ್ರೆ ಶುಂಠಿ, ಚಕ್ಕೆ, ಏಲಕ್ಕಿ ಈ ರೀತಿಯ ಪದಾರ್ಥಗಳನ್ನ ಬಳಸ್ಬಹುದು. ಆದ್ರೆ ಸಕ್ಕರೆ, ಬೆಲ್ಲ, ಜೇನುತುಪ್ಪದಂತಹ ಸ್ವೀಟ್‌ನರ್‌ಗಳನ್ನ ಅವಾಯ್ಡ್‌ ಮಾಡಿ. ಬೇಕಿದ್ರೆ ಸ್ಟೀವಿಯಾ ಬಳಸ್ಬಹುದು.
ಗ್ರೀನ್ ಟೀ ಬ್ಯಾಗ್ಸ್‌ vs ಗ್ರೀನ್ ಟೀ ಎಲೆಗಳು
ಗ್ರೀನ್ ಟೀ ಬ್ಯಾಗ್ಸ್‌ಗೆ ಕಂಪೇರ್‌ ಮಾಡಿದ್ರೆ ಗ್ರೀನ್ ಟೀ ಎಲೆಗಳು ಬಹಳ ಉತ್ತಮ. ಯಾಕಂದ್ರೆ ಎಲೆಗಳು ಹೆಚ್ಚು ಪೋಷಕಾಂಶಗಳು ಹೊಂದಿವೆ. ಜೊತೆಗೆ ಟೀ ಬ್ಯಾಗ್ಸ್‌ ಎಕೋ ಫ್ರೆಂಡ್ಲಿ ಆಪ್ಷನ್‌ ಆಗಿರೋದಿಲ್ಲ. ಆದ್ರೆ ಗ್ರೀನ್ ಟೀ ಎಲೆಗಳು ಎಕೋಫ್ರೆಂಡ್ಲಿಯಾಗಿರೋದ್ರ ಜೊತೆಗೆ ರೇಟ್‌ ಕೂಡ ಕಡಿಮೆಯಾಗಿರುತ್ತೆ. ಹಾಗೆ ಗ್ರೀನ್ ಟೀಗೆ ಸ್ವಲ್ಪ ನಿಂಬೆರಸ ಅಥವಾ ಆಪಲ್‌ ಸೈಡರ್‌ ವಿನೆಗರ್‌ ಮಿಕ್ಸ್‌ ಮಾಡಿ ಕುಡಿದ್ರೆ ಗ್ರೀನ್ ಟೀನಲ್ಲಿರುವ ಆಂಟಿಆಕ್ಸಿಡೆಂಟ್ಸ್‌ಅನ್ನ ನಮ್‌ ದೇಹ ಚನ್ನಾಗಿ ಹೀರಿಕೊಳ್ಳುತ್ತೆ.
ದಿನಕ್ಕೆ ಎಷ್ಟು ಗ್ರೀನ್ ಟೀ ಕುಡಿಯಬಹುದು?
ನಾರ್ಮಲ್‌ ಚಹಾದಂತೆ ಗ್ರೀನ್ ಟೀನಲ್ಲೂ ಕೂಡ ಕ್ಯಾಫೀನ್ ಅಂಶ ಇರುತ್ತೆ. ದಿನವೊಂದಕ್ಕೆ ನಾವು 80 ಮಿಲಿ ಗ್ರಾಂ ಕ್ಯಾಫೀನ್ ಸೇವನೆ ಮಾಡ್ಬಹುದು. ಒಂದು ಚಮಚ ಗ್ರೀನ್ ಟೀಯಲ್ಲಿ 30 ಮಿಲಿ ಗ್ರಾಂ ಕ್ಯಾಫೀನ್ ಇರುತ್ತೆ. ಸೋ ನೀವು ಒಂದು ಗ್ಲಾಸ್‌ಗೆ ಒಂದು ಚಮಚ ಗ್ರೀನ್ ಟೀ ಯೂಸ್‌ ಮಾಡ್ತೀರಾ ಅಂತಾದ್ರೆ 2ರಿಂದ 3 ಕಪ್‌ ಗ್ರೀನ್ ಟೀ ನೀವು ಪ್ರತಿದಿನ ಕುಡೀಬಹುದು. ಆದ್ರೆ ನೀವು ಇದ್ರ ಜೊತೆ ನಾರ್ಮಲ್‌ ಟೀ ಅಥವಾ ಕಾಫಿ ಕುಡೀತೀರಾ ಅಂತಾದ್ರೆ, ಒಂದು ಕಪ್‌ಗಿಂತ ಜಾಸ್ತಿ ಗ್ರೀನ್ ಟೀ ಕುಡಿಯೋಕ್‌ ಹೋಗ್ಬೇಡಿ. ಯಾಕಂದ್ರೆ ಕ್ಯಾಫೀನ್ ಪ್ರಮಾಣ ಹೆಚ್ಚಾದಷ್ಟು ದೇಹಕ್ಕೆ ಒಳ್ಳೇದಲ್ಲ.
ಯಾವ ಸಮಸಯದಲ್ಲಿ ಗ್ರೀನ್ ಟೀ ಸೇವನೆ ಒಳ್ಳೆಯದು?
ಗ್ರೀನ್ ಟೀಯನ್ನ ಯಾವ ಸಮಸಯದಲ್ಲಿ ಕುಡೀಬೇಕು ಅನ್ನೋದು ನಿಮ್ಮ ಲೈಫ್‌ಸ್ಟೈಲ್‌ ಮೇಲೆ ಡಿಪೆಂಡ್‌ ಆಗುತ್ತೆ. ಹಾಗೆ ನಿಮ್ಮ ಹೆಲ್ತ್‌ ಗೋಲ್‌ ಏನು ಅನ್ನೋದ್ರ ಮೇಲೆ. ಸಪೋಸ್‌ ನೀವು ವರ್ಕೌಟ್‌ ಮಾಡ್ತೀರಾ ಅಂತಾದ್ರೆ, ಅದಕ್ಕಿಂತ ಮುಂಚೆ ಒಂದು ಕಪ್‌ ಗ್ರೀನ್ ಟೀ ಕುಡಿದ್ರೆ, ಫ್ಯಾಟ್‌ ಬರ್ನಿಂಗ್‌ ಪ್ರೊಸೆಸ್‌ ಅತಿ ವೇಗವಾಗಿ ಆಗುತ್ತೆ. ಹಾಗೆ ವರ್ಕೌಟ್‌ ಮಾಡೋದಿಕ್ಕೆ ಎನರ್ಜಿ ಕೂಡ ಬರುತ್ತೆ. ಹಾಗೆ ನೀವು ತುಂಬಾ ಹೊತ್ತು ಕನ್‌ಸಿಸ್ಟೆಂಟ್‌ ಆಗಿ ವರ್ಕೌಟ್‌ ಮಾಡೋದಿಕ್ಕೆ ಸಹಾಯ ಮಾಡುತ್ತೆ. ಇನ್ನು ಇದರ ಹೊರತಾಗಿ ನೀವಿದನ್ನ ಊಟದ ಮಧ್ಯೆ ಕುಡೀಬಹುದು. ಊಟದ ಒಂದು ಗಂಟೆ ಮುಂಚೆ ಅಥವಾ ಊಟ ಆಗಿ ಒಂದು ಗಂಟೆ ನಂತರ ಗ್ರೀನ್ ಟೀಯನ್ನ ಕುಡೀಬಹುದು. ಊಟಕ್ಕೆ ಮುಂಚೆ ಇದನ್ನ ಕುಡಿಯೋದ್ರಿಂದ ಹಸಿವನ್ನ ವೃದ್ಧಿಸುತ್ತೆ ಹಾಗೆ ಡೈಜೆಷನ್‌ಗೆ ಹೆಲ್ಪ್‌ ಆಗುತ್ತೆ. ಊಟದ ನಂತ್ರ ಕುಡಿಯೋದ್ರಿಂದ ಕ್ಯಾಲೊರಿ ಬರ್ನ್‌ ಮಾಡಿ ಫ್ಯಾಟ್‌ ರಿಡಕ್ಷನ್‌ಗೆ ಸಹಾಯ ಮಾಡುತ್ತೆ.
ಯಾವ ಸಮಯದಲ್ಲಿ ಗ್ರೀನ್ ಟೀ ಸೇವನೆ ಒಳ್ಳೆಯದಲ್ಲ?
ಇದು ಮೋಸ್ಟ್‌ ಆಫ್‌ ದ ಪೀಪಲ್‌ ಮಾಡುವಂತಹ ತಪ್ಪು. ಬೆಳಗ್ಗೆ ಖಾಲಿ ಹೊಟ್ಟೆಗೆ ಗ್ರೀನ್ ಟೀ ಕುಡಿಯುವಂತದ್ದು. ಇದ್ರಲ್ಲಿರುವಂತಹ ಕ್ಯಾಫೀನ್ ಅಂಶದಿಂದಾಗಿ ಆಸಿಡಿಟಿ, ಬ್ಲೋಟಿಂಗ್‌ನಂತಹ ಸಮಸ್ಯೆಗಳು ಕಾಣಿಸಿಕೊಳ್ಬಹುದು. ಹಾಗೆ ಊಟದ ಜೊತೆಗೆ ಕೂಡ ಗ್ರೀನ್ ಟೀ ಕುಡಿಯುವ ಹಾಗಿಲ್ಲ. ಯಾಕಂದ್ರೆ ಗ್ರೀನ್ ಟೀ ಸೇವನೆಯಿಂದ ನಿಮ್ಮ ಆಹಾರದಲ್ಲಿರುವ ಕೆಲವು ನ್ಯೂಟ್ರಿಯೆಂಟ್‌ಗಳ ಅಬ್ಸಾರ್ಪ್ಷನ್‌ ಸ್ಲೋ ಆಗುತ್ತೆ. ಇದ್ರ ಜೊತೆಗೆ 6 ಗಂಟೆಯ ನಂತರ ಗ್ರೀನ್ ಟೀ ಕುಡೀಬೇಡಿ. ಇದ್ರಿಂದ ನಿದ್ರಾಹೀನತೆ ಸಮಸ್ಯೆ ಉಂಟಾಗ್ಬಹುದು.
ಗ್ರೀನ್ ಟೀಯನ್ನು ಯಾರೆಲ್ಲಾ ಕುಡಿಯಬಾರದು?
ಗ್ರೀನ್ ಟೀಯಲ್ಲಿ ಟ್ಯಾನಿನ್ ಎಂಬ ಅಂಶವಿದ್ದು, ಇದು ಹೊಟ್ಟೆಯಲ್ಲಿ ಅಸಿಡಿಟಿ ಹೆಚ್ಚಿಸುತ್ತೆ. ಹಾಗೆ ಗ್ಯಾಸ್, ಎದೆಯುರಿ ಮತ್ತು ಅಜೀರ್ಣದಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಹೀಗಾಗಿ ಹೊಟ್ಟೆಯ ಸಮಸ್ಯೆಗಳಿದ್ದವರು ಇದನ್ನ ಅವಾಯ್ಡ್‌ ಮಾಡಿದ್ರೆ ಒಳ್ಳೇದು. ಗ್ರೀನ್ ಟೀ ಕಬ್ಬಿಣದ ಹೀರಿಕೊಳ್ಳುವಿಕೆಯನ್ನು ಕಡಿಮೆ ಮಾಡುತ್ತದೆ. ಯಾರಾದರೂ ಈಗಾಗಲೇ ರಕ್ತಹೀನತೆಯಿಂದ ಬಳಲ್ತಾ ಇದ್ರೆ, ಗ್ರೀನ್ ಟೀ ಅವರಿಗೆ ಹಾನಿಕಾರಕವಾಗಬಹುದು. ಹಾಗೆ ಗರ್ಭಿಣಿಯರು ಮತ್ತು ಹಾಲುಣಿಸುವ ಸ್ತ್ರೀಯರಿಗೆ ಗ್ರೀನ್ ಟೀ ಸೇವನೆ ಒಳ್ಳೇದಲ್ಲ. ಗ್ರೀನ್ ಟೀಯಲ್ಲಿರುವ ಕೆಫೀನ್ ಹೃದಯ ಬಡಿತವನ್ನು ವೇಗಗೊಳಿಸುತ್ತದೆ ಮತ್ತು ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ. ಹೀಗಾಗಿ ಹೃದ್ರೋಗ ಅಥವಾ ಅಧಿಕ ರಕ್ತದೊತ್ತಡ ಇರುವವರು ಇದನ್ನು ಸೀಮಿತ ಪ್ರಮಾಣದಲ್ಲಿ ಕುಡಿಯಬೇಕು. ಆಕಸ್ಮಾತ್‌, ನೀವು ನಿದ್ರಾಹೀನತೆ ಅಥವಾ ನಿದ್ರೆಯ ಕೊರತೆಯಿಂದ ಬಳಲುತ್ತಿದ್ದರೆ, ಗ್ರೀನ್ ಟೀಯಿಂದ ದೂರವಿರುವುದು ಉತ್ತಮ.
Read Also : ಲಂಡನ್‌ನಲ್ಲಿ ರಾಕಿ ಭಾಯ್‌ ಹವಾ : ಹಾಲಿವುಡ್‌ಗೆ ಎಂಟ್ರಿ ಕೊಟ್ಟ ಟಾಕ್ಸಿಕ್‌ ಕಿಂಗ್‌..?