ಬಿಗ್‌ಬಾಸ್‌ನಲ್ಲಿ ಬಿಗ್ ಟ್ವಿಸ್ಟ್‌!, ದೊಡ್ಮನೆ ಜೋಡೆತ್ತುಗಳ ನಡುವೆ ನಡೀತು ಬಿಗ್ ವಾರ್‌.. ಅಶ್ವಿನಿ ಗೌಡ ಜೊತೆ ಟು ಬಿಟ್ಟ ಜಾನ್ವಿ.. ಅಷ್ಟಕ್ಕೂ ಅಶ್ವಿನಿಗೌಡ, ಜಾನ್ವಿ ದೂರ ಆಗಲು ಕಾರಣವೇನು? ಬಿಗ್ಬಾಸ್ ಮನೆಯಲ್ಲಿ ಆಗಿದ್ದೇನು? ಕನ್ನಡದ ಬಿಗ್ ರಿಯಾಲಿಟಿ ಶೋ, ಕಿಚ್ಚ ಸುದೀಪ್ ಅವರು ನಡೆಸಿಕೊಡುವಂತಹ ಬಿಗ್ ಬಾಸ್ ರಂಗೇರಿದ್ದು ಮನೆಯಲ್ಲಿ ಯಾರ್ ಮೇಲೆ ಯಾರು ಜಗಳ ಮಾಡುತ್ತಾರೋ ಗೊತ್ತಾಗುತ್ತಿಲ್ಲ. ಇಷ್ಟು ದಿನ ಕುಚಿಕು ಗೆಳತಿಯರಂತೆ ಓಡಾಡಿಕೊಂಡಿದ್ದ ಜಾಹ್ನವಿ ಹಾಗೂ ಅಶ್ವಿನಿಗೌಡ ಮಧ್ಯೆ ದೊಡ್ಡ ಬೆಂಕಿ ಹೊತ್ತಿಕೊಂಡಿದೆ. ಬಿಗ್ಬಾಸ್ ಮನೆಯಲ್ಲಿ ಇಬ್ಬರ ನಡುವೆ ಮಾತಿನ ಸಮರವೇ ನಡೆದಿದೆ. ಹೌದು… ಬಿಗ್ಬಾಸ್ ತಮ್ಮ ಎದುರಾಳಿ ಸ್ಪರ್ಧಿ ದೊಡ್ಮನೆಯಲ್ಲಿ ಇರಲು ಯಾಕೆ ಯೋಗ್ಯರಲ್ಲ ಎಂದು ತಿಳಿಸುವಂತೆ ಪ್ರಶ್ನೆ ಮಾಡಿದ್ದರು. ಇದಕ್ಕೆ ಮನೆಯಲ್ಲಿ ಮೊದಲು ಮಾತನಾಡಿದ ಅಶ್ವಿನಿ ಗೌಡ, ಜಾಹ್ನವಿ ಜೊತೆಗಿನ ಸ್ನೇಹದಿಂದ ನನಗೆ ಕಳಂಕ ಬಂದಿದೆ ಎಂದು ನೇರವಾಗಿಯೇ ಡಿಚ್ಚಿ ಕೊಟ್ರು. ಈ ವೇಳೆ ಎದುರುತ್ತರ ಕೊಟ್ಟ ಜಾಹ್ನವಿ ನಿಮ್ಮ ಆಟನ ನೀವು ಆಡುತ್ತಿದ್ದೀರಾ, ನನ್ನ ಆಟವನ್ನು ನಾನು ಆಡುತ್ತಿದ್ದೇನೆ. ಕೆಲವರ ಆಟ ತುಂಬಾ ಫಾಸ್ಟ್ ಆಗಿ ಕಾಣಿಸಬಹುದು. ಇನ್ನು ಕೆಲವರ ಆಟ ತುಂಬಾ ಸ್ಲೋ ಆಗಿ ಕಂಡು ಗುರಿ ಮುಟ್ಟಬಹುದು ಎಂದು ಜಾಹ್ನವಿ ಅಶ್ವಿನಿ ಗೌಡಗೆ ತಿರುಗೇಟು ನೀಡಿದ್ರು.
ಇನ್ನು ಇದಕ್ಕೆ ಫುಲ್‌ ರಾಂಗ್‌ ಆಗಿ ಜಾಹ್ನವಿಗೆ ಉತ್ತರಿಸಿದ ಅಶ್ವಿನಿ ಗೌಡ, ನನ್ನನ್ನು ಮೊದಲು ಮುಂದೆ ಬಿಟ್ಟು ಹಿಂದೆ ನೀವು ತಮಾಷೆ ನೋಡಿ, ಆ ಮೇಲೆ ನನ್ನನ್ನು ಬಿಗ್ ಬಾಸ್ ಮನೆಯಿಂದ ಹೊರಗಡೆ ಕಳಿಸಬೇಕು ಎಂದು ಕಾಯುತ್ತಿದ್ದೀರಾ ಅಂತ ಪ್ರಶ್ನೆ ಮಾಡಿದ್ದಾರೆ. ನೀವು ಫ್ರೆಂಡ್ಶಿಪ್ ಅಂತ ಹೇಳಿಕೊಂಡು ನನಗೆ ಬಾವಿ ತೋಡುತ್ತಿದ್ದಾರಾ ಅಂತ ನನಗೆ ಗೊತ್ತಿರಲಿಲ್ಲ. ಆ ಥರದ ಸ್ನೇಹಕ್ಕೆ ನಾವು ಬ್ರೇಕ್ ಕೊಡುವುದು ಉತ್ತಮ ಎಂದು ಅಶ್ವಿನಿಗೌಡ ಜಾನ್ವಿಗೆ ಖಡಕ್‌ ವಾರ್ನಿಂಗ್‌ ಕೊಟ್ಟಿದ್ದಾರೆ. ಇದ್ರಿಂದಾಗಿ ಇದೀಗ ಕುಚಿಕು ಸ್ನೇಹಿತೆಯರಂತಿದ್ದ ಇಬ್ಬರೂ ದೂರ ದೂರ ಆಗಿದ್ದಾರೆ. ಒಟ್ಟಿಗೆ ಓಡಾಟ, ಎಂಜಾಯ್‌ ಮಾಡುತ್ತಿದ್ದ ಇಬ್ಬರ ನಡುವೆ ಇದೀಗ ಕೊತ ಕೊತ ಕುದಿಯುವಂತಾ ವಾತಾವರಣ ಸೃಷ್ಟಿಯಾಗಿದೆ.. ಬಿಗ್ ಬಾಸ್ ಮನೆಯಲ್ಲಿ ಸ್ನೇಹ- ಪ್ರೀತಿ ಯಾವುದು ಕೆಲಸಕ್ಕೆ ಬರಲ್ಲ ಎಂಬುದು ಮತ್ತೆ ಸಾಬೀತಾಗಿದೆ. ಬಿಗ್ ಬಾಸ್ ಆರಂಭದಿಂದಲೂ ಅಶ್ವಿನಿ ಗೌಡ ಹಿಂದೆ ಸುತ್ತುತ್ತಿದ್ದ ಜಾಹ್ನವಿ ಈಗ ಅದೇ ಅಶ್ವಿನಿ ವಿರುದ್ಧವೇ ತಿರುಗಿ ಬಿದ್ದಿದ್ದಾರೆ.