ಸದ್ಯ ಏಷ್ಯಾಕಪ್‌ ಕ್ರೇಜ್‌ ಎಲ್ಲೆಡೆ ಆವರಿಸಿದೆ. ಆದ್ರೆ ಅದಕ್ಕಿಂತ ಜಾಸ್ತಿ ಕುತೂಹಲ ಮೂಡಿಸಿರೋದು ಇಂಡಿಯಾ ವರ್ಸಸ್‌ ಪಾಕಿಸ್ತಾನ ಮ್ಯಾಚ್‌. ಬಹು ವರ್ಷಗಳಿಂದ ಈ ಎರಡು ದೇಶಗಳ ನಡುವೆ ದ್ವಿಪಕ್ಷೀಯ ಸರಣಿ ನಡೆದೇ ಇಲ್ಲ. ಹೀಗಾಗಿ ಐಸಿಸಿ ಟೂರ್ನಿಗಳಲ್ಲಿ ಮಾತ್ರ ಎರಡೂ ತಂಡಗಳು ಮುಖಾಮುಖಿಯಾಗಿ ಭರ್ಜರಿ ಎಂಟರ್‌ಟೈನ್‌ಮೆಂಟ್‌ ಕೊಡ್ತಿವೆ. ಇದೀಗ ಪ್ರಸ್ತುತ ಏಷ್ಯಾಕಪ್‌ನಲ್ಲಿ ಸೆ. 14ರಂದು ದುಬೈ ಸ್ಟೇಡಿಯಂನಲ್ಲಿ ಎರಡು ತಂಡಗಳು ಮತ್ತೊಮ್ಮೆ ಸೆಣಸಾಡಲಿವೆ. ಎರಡು ಟೀಂಗಳು ಒಂದೊಂದು ಪಂದ್ಯ ಗೆದ್ದು ಆತ್ಮವಿಶ್ವಾಸದಲ್ಲಿ ಮುನ್ನುಗ್ಗುತ್ತಿವೆ. ಆದ್ರೆ ಭಾರತದ ಸಾಮರ್ಥ್ಯ ಹೆಚ್ಚಾಗಿ ಕಾಣಿಸ್ತಿದೆ. ಚಾಂಪಿಯನ್ಸ್‌ ಟ್ರೋಫಿ, ಟಿ20 ವಿಶ್ವಕಪ್‌ನಲ್ಲಿ ಭಾರತ ಪಾಕಿಸ್ತಾನವನ್ನು ಮಣ್ಣುಮುಕ್ಕಿಸಿದೆ.
Read Also ಹೂವಿನ ಬಾಣದಂತೆ ಸಾಂಗ್‌ ವೈರಲ್‌ : ಹುಡುಗಿಗೆ ಯಶ್‌ ಜೊತೆ ನಟಿಸುವ ಆಸೆ
ಭಾರತ ಹಾಗೂ ಪಾಕಿಸ್ತಾನ ಟಿ20 ಮಾದರಿಯಲ್ಲಿ ಈವರೆಗೂ 13 ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ಅದ್ರಲ್ಲಿ ಭಾರತ ಬರೋಬ್ಬರಿ 9 ಪಂದ್ಯಗಳನ್ನು ಗೆದ್ದು ಬೀಗಿದೆ. ಏಕದಿನ ಮಾದರಿಯ ಒಟ್ಟು 19 ಪಂದ್ಯಗಳಲ್ಲಿ ಭಾರತ 10 ಪಂದ್ಯಗಳನ್ನು ಗೆದ್ದಿದೆ.. ಹೀಗಾಗಿ ಬಲಾಬಲದಲ್ಲಿ ಸೂರ್ಯಕುಮಾರ್‌ ಯಾದವ್‌ ನಾಯಕತ್ವದ ಭಾರತ ತಂಡವೇ ಮೇಲುಗೈ ಸಾಧಿಸಿದೆ. ಭಾರತ ತಂಡದಲ್ಲಿ ಯುವ ಆಟಗಾರರಿದ್ದು, ಬಹಳ ಆಕ್ರಮಣಾಕಾರಿ ಆಟದಿಂದ ಭಾರತ ಪಾಕಿಸ್ತಾನ ವಿರುದ್ಧ ಗೆದ್ದು ಬೀಗುವ ಎಲ್ಲಾ ಲಕ್ಷಣಗಳು ಕಾಣಿಸ್ತಿವೆ. ಆದ್ರೆ ಇತ್ತೀಚಿನ ದಿನಗಳಲ್ಲಿ ಪಾಕಿಸ್ತಾನವು ಭರ್ಜರಿ ಫಾರ್ಮ್‌ನಲ್ಲಿರುವುದರಿಂದ ರಣರೋಚಕ ಕಾಳಗವನ್ನು ನಿರೀಕ್ಷಿಸಬಹುದು. ಆದರೆ ಈ ಪಂದ್ಯಕ್ಕೆ ಭಾರೀ ವಿರೋಧ ವ್ಯಕ್ತವಾಗ್ತಿದೆ. ಪೆಹಲ್ಗಾಮ್ ಟೆರರಿಸ್ಟ್ ಅಟ್ಯಾಕ್ನ ಬಳಿಕವೂ ಪಾಕಿಸ್ತಾನ ವಿರುದ್ಧ ಯಾಕೆ ಕ್ರಿಕೆಟ್‌ ಆಡ್ಬೇಕಿತ್ತು. ಬಿಸಿಸಿಐಗೆ ದೇಶಾಭಿಮಾನಕ್ಕಿಂತ ಮನರಂಜನೆಯೇ ಮುಖ್ಯವಾಗಿದೆ ಅಂತ ಆಕ್ರೋಶಗಳು ಹೊರಬೀಳ್ತಿವೆ. ಜೊತೆಗೆ ಈ ಪಂದ್ಯವನ್ನ ಬಾಯ್ಕಾಟ್ ಮಾಡುವ ಕ್ಯಾಂಪೇನ್ ನಡೀತಾ ಇದೆ. ಆದರು ಸಹ ಸಪ್ಟೆಂಬರ್‌ 14 ರಂದು ಭಾರತ-ಪಾಕ್‌ ಪಂದ್ಯದಲ್ಲಿ ಯಾರು ಗೆದ್ದು ಬೀಗುತ್ತಾರೆ ಎಂದು ಕಾದು ಬೇಕಿದೆ.