ನವೆಂಬರ್‌ ಕ್ರಾಂತಿಯ ಚೆಂಡು ಈಗ ರಾಷ್ಟ್ರ ರಾಜಧಾನಿ ದಿಲ್ಲಿ ತಲುಪಿದೆ. ಸಿಎಂ ಬದಲಾವಣೆಯ ಬಿರುಗಾಳಿ ಕೈ ನಾಯಕರಾದ ರಾಹುಲ್ ಗಾಂಧಿ ಹಾಗೂ ಮಲ್ಲಿಕಾರ್ಜುನ ಖರ್ಗೆ ಮನೆವರೆಗೂ ಬಂದು ನಿಂತಿದೆ. ಒಂದೊಮ್ಮೆ ಹೈಕಮಾಂಡ್‌ ನಾಯಕರು ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದೇ ಆದರೆ ರಾಜ್ಯದಲ್ಲಿ ದೊಡ್ಡ ಸುನಾಮಿಯೇ ಭುಗಿಲೇಳಲಿದೆ. ಆದ್ರೆ, ಆ ಸುನಾಮಿ ಭುಗಿಲೇಳುವ ಮೊದಲೇ ಸಿಎಂ ಸ್ಥಾನದ ಆಕಾಂಕ್ಷೆಯಲ್ಲಿರುವ ಡಿಕೆಶಿ ವಿರುದ್ಧ ರಾಹುಲ್ ಗಾಂಧಿ ಫುಲ್‌ ಗರಂ ಆಗಿದ್ದಾರೆ ಎಂಬ ಸುದ್ದಿ ಹರಿದಾಡ್ತಿದೆ. ಹಾಗಾದ್ರೆ, ಡಿಕೆಶಿ ವಿರುದ್ಧ ರಾಹುಲ್ ಕೋಪಗೊಂಡಿದ್ಯಾಕೆ? ಆಪತ್‌ಕಾಲದಲ್ಲಿ ಪಕ್ಷದ ಬಲಗೈ ಬಂಟನಂತಿದ್ದ ಡಿಕೆಶಿ ಮೇಲೆ ಹೈಕಮಾಂಡ್‌ ಮುನಿಸು ಯಾಕೆ? ವಿಧಾನಸಭೆಯಲ್ಲಿ ನಡೆದುಕೊಂಡ ಅದೊಂದು ರೀತಿ ಹೈಕಮಾಂಡ್‌ ಕಣ್ಣು ಕೆಂಪಾಗಿಸಿತಾ ಅನ್ನೋದನ್ನು ಹೇಳ್ತೀವಿ. ಅದಕ್ಕೂ ಮೊದಲು ಬಾಸ್‌ ಟಿವಿ ಕನ್ನಡ ಚಾನೆಲ್‌ನ್ನ ಸಬ್‌ಸ್ಕ್ರೈಬ್‌ ಮಾಡಿ.
ಬಿಹಾರ ಎಲೆಕ್ಷನ್‌ ಸೋಲಿನ ಫಲಿತಾಂಶದ ಬಳಿಕ ಅಂದ್ರೆ ಶನಿವಾರ ದೆಹಲಿಗೆ ತೆರಳಿದ್ದ ಸಿಎಂ ಸಿದ್ದರಾಮಯ್ಯ, ರಾಹುಲ್ ಗಾಂಧಿ ಭೇಟಿ ಮಾಡಿದ್ದರು. ಈ ವೇಳೆ ಸಿದ್ದರಾಮಯ್ಯ ಕ್ಯಾಬಿನೆಟ್‌ ಪುನಾರಚನೆಗೆ ಬೇಡಿಕೆ ಇಟ್ಟಿದ್ದು, ರಾಹುಲ್ ಕೂಡ ಗ್ರೀನ್‌ ಸಿಗ್ನಲ್‌ ನೀಡಿದ್ದಾರೆ. ಮಲ್ಲಿಕಾರ್ಜುನ ಖರ್ಗೆ ಜೊತೆ ಚರ್ಚಿಸಿ ಸಚಿವ ಸಂಪುಟ ಪುನಾರಚನೆ ಮಾಡಿ ಅಂತಾ ಹೇಳಿದ್ದಾರೆ ಎನ್ನಲಾಗುತ್ತಿದೆ. ಇದರ ಬೆನ್ನಲ್ಲೇ ಡಿಕೆ ಸಹೋದರರು ದೆಹಲಿಗೆ ತೆರಳಿದ್ದು, ಹೈಕಮಾಂಡ್‌ ಮೊರೆ ಹೋಗಿದ್ದಾರೆ. ಆದ್ರೆ, ಡಿಕೆ ಸಹೋದರರ ಮೇಲೆ ರಾಹುಲ್ ಗಾಂಧಿ ಗರಂ ಆಗಿದ್ದಾರೆ ಅಂತಾ ಸುದ್ದಿಯಾಗಿದೆ. ಇದೇ ಕಾರಣಕ್ಕಾಗಿ ಸಿಎಂ ಸಿದ್ದು ಭೇಟಿಗೆ ಅವಕಾಶ ಕೊಟ್ಟಿದ್ದ ರಾಹುಲ್, ಡಿಕೆ ಸಹೋದರರ ಭೇಟಿಗೆ ಚಾನ್ಸ್‌ ನೀಡಿಲ್ಲ ಅಂತಾ ಹೇಳಲಾಗುತ್ತಿದೆ. ಕಳೆದ ವಿಧಾನಸಭೆ ಅಧಿವೇಶನದಲ್ಲಿ ಚರ್ಚೆ ವೇಳೆ ಡಿಸಿಎಂ ಡಿ.ಕೆ. ಶಿವಕುಮಾರ್‌ ಆರ್‌ಎಸ್‌ಎಸ್‌ ಗೀತೆ ಹಾಡಿದ್ದರು. ಈ ಹಾಡು ಕೇಳಿ ಬಿಜೆಪಿ ನಾಯಕರು ಚಪ್ಪಾಳೆ ತಟ್ಟಿ ಖುಷಿ ಪಟ್ಟಿದ್ರೆ, ಸದನದಲ್ಲಿದ್ದ ಕಾಂಗ್ರೆಸ್‌ ನಾಯಕರಿಗೆ ಇರಿಸು ಮುರುಸು ಉಂಟಾಗಿತ್ತು. ಇದು ಹೈಕಮಾಂಡ್‌ ಆಕ್ರೋಶಕ್ಕೂ ಕಾರಣವಾಗಿತ್ತು. ಡಿಕೆಶಿ ಅಂದು ಹಾಡಿದ್ದ ಹಾಡಿನ ಎಫೆಕ್ಟ್‌ ಈಗ ತಟ್ಟಿರಬಹುದು ಅಂತಾ ವಿಶ್ಲೇಷಣೆ ಮಾಡಲಾಗುತ್ತಿದೆ.
ಇತ್ತೀಚೆಗೆ ರಾಹುಲ್ ಗಾಂಧಿ ಭೇಟಿ ಮಾಡಿರುವ ಸಿದ್ದರಾಮಯ್ಯ, ಸಂಪುಟ ಪುನಾರಚನೆ ಬಗ್ಗೆ ಮಾತ್ರ ಚರ್ಚಿಸಿದ್ದಾರೆ ಎನ್ನಲಾಗುತ್ತಿದೆ. ಆದ್ರೆ, ಅಧಿಕಾರ ಹಂಚಿಕೆ ಬಗ್ಗೆ ಯಾವುದೇ ಚರ್ಚೆಯಾಗಿಲ್ಲವಂತೆ. ಮೂಲಗಳ ಪ್ರಕಾರ ಡಿಕೆ ಸಹೋದರರು, ರಾಹುಲ್ ಭೇಟಿಗೆ ಸಮಯ ಕೇಳ್ತಿರೋದು ಇದೇ ಕಾರಣಕ್ಕೆ ಆಗಿದ್ರೂ ರಾಹುಲ್ ಭೇಟಿಯನ್ನು ಮುಂದೂಡಿಕೆ ಮಾಡಿದ್ದಾರೆ ಎನ್ನಲಾಗ್ತಿದೆ. ಯಾಕಂದ್ರೆ, ಅದಕ್ಕೆ ಕಾರಣ ಬಿಹಾರ ಚುನಾವಣೆ ಫಲಿತಾಂಶ.. ರಾಹುಲ್ ಗಾಂಧಿ ನೇತೃತ್ವದಲ್ಲಿ ನಡೆದ ಎಲೆಕ್ಷನ್‌ನಲ್ಲಿ ಕಾಂಗ್ರೆಸ್‌ ಕನಿಷ್ಠ 10 ಸ್ಥಾನವನ್ನೂ ಗೆಲ್ಲಲಾಗದೇ ಹೀನಾಯ ಸೋಲನುಭವಿಸಿದೆ.. ಇಂಥಾ ಕಠಿಣ ಸಂದರ್ಭದಲ್ಲಿ ಕರ್ನಾಟಕದಲ್ಲಿ ಅಧಿಕಾರ ಹಂಚಿಕೆ ಅಂತೆಲ್ಲಾ ಹೋದರೆ ಇಲ್ಲೂ ರಾಜಕೀಯ ಅನಿಶ್ಚಿತತೆ ಎದುರಿಸಬೇಕಾಗಬಹುದು. ಅಧಿಕಾರದ ಕುರ್ಚಿ ಉಲ್ಟಾ ತಿರುಗಬಹುದು. ಈ ಕಾರಣಕ್ಕೂ ಡಿಕೆ ಸಹೋದರರ ಭೇಟಿಗೆ ರಾಹುಲ್ ಗಾಂಧಿ ಹಿಂದೇಟು ಹಾಕುತ್ತಿದ್ದಾರೆ ಅಂತಾ ಚರ್ಚೆಯಾಗುತ್ತಿದೆ.