ಸ್ಯಾಂಡಲ್ವುಡ್ ನಟಿ, ರಾಜಕಾರಣಿ ಭಾವನಾ ರಾಮಣ್ಣ ತಾಯ್ತನದ ಸಂಭ್ರಮದಲ್ಲಿದ್ದಾರೆ. ತಮ್ಮ ನಲ್ವತ್ತನೇ ವಯಸ್ಸಿನಲ್ಲಿ ತಾಯಿಯಾಗ್ತಿದ್ದಾರೆ. ದಾಂಪತ್ಯ ಜೀವನದ ಬಗ್ಗೆ ಆಸಕ್ತಿ ತೋರದ ಭಾವನಾ, ಮದುವೆಯಾಗದೇ ಸಿಂಗಲ್ ಪೆರಂಟ್ ಆಗಿ ಎರಡು ಮಕ್ಕಳಿಗೆ ಜನ್ಮನೀಡಲಿದ್ದಾರೆ. ಮದುವೆಯಾಗದೇ ಐವಿಎಫ್ ಮೂಲಕ ಗರ್ಭಿಣಿಯಾಗಿದ್ದಾರೆ. ಇನ್ನು ಈ ಬಗ್ಗೆ ಖುದ್ದು ನಟಿ ಭಾವನಾ ಮಾಹಿತಿಯನ್ನ ತಮ್ಮ ಇನ್ಟಾಗ್ರಾಂನಲ್ಲಿ ರೀವಿಲ್ ಮಾಡಿದ್ದಾರೆ.
ಸದ್ಯ ಆರು ತಿಂಗಳ ಗರ್ಭಿಣಿಯಾಗಿರುವ ಭಾವನ ಅವಳಿ ಮಕ್ಕಳ ಜನನಕ್ಕೆ ಎದುರು ನೋಡ್ತಾ ಇದ್ದಾರೆ. ತಮ್ಮ ಪ್ರಗ್ನೆನ್ಸಿ ಫೋಟೋಗಳನ್ನ ಭಾವನಾ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಈ ಹಿಂದೆ ತಾಯ್ತನದ ಬಗ್ಗೆ ಯಾವುದೇ ಆಕಾಂಕ್ಷೆ ಇರ್ಲಿಲ್ಲ ಆದ್ರೆ, ನಲ್ವತ್ತು ವರ್ಷ ಆಗ್ತಿದ್ದಾಗೆ ತಾಯಿಯಾಗ್ಬೇಕು ಅನ್ನೋ ಬಯಕೆ ಹೆಚ್ಚಾಯ್ತು.
ಈ ಹಾದಿ ಸುಲಭವಾಗಿರ್ಲಿಲ್ಲ, ಸಾಕಷ್ಟು ಐವಿಎಫ್ ಸೆಂಟರ್ಗಳು ರಿಜೆಕ್ಟ್ ಮಾಡಿದ್ದವು. ನನ್ನ ಮಕ್ಕಳಿಗೆ ತಂದೆ ಇಲ್ಲದೇ ಇರಬಹುದು ಆದ್ರೆ ಅನ್ಕಂಡಿಷನಲ್ ಲವ್ ಅಂತೂ ಇದ್ದೇ ಇರುತ್ತೆ ಅಂತಾ ಕ್ಯಾಪ್ಷನ್ನಲ್ಲಿ ಬರೆದುಕೊಂಡಿದ್ದಾರೆ. ಭಾವನಾ ಅವರು ಸಿಂಗಲ್ ಪೇರೆಂಟ್ ಆಗಿ ಕಾನೂನಾತ್ಮಕವಾಗಿಯೇ ಐವಿಎಫ್ ಮೂಲಕ ತಾಯಿಯಾಗಲಿದ್ದಾರೆ.